Dimapur nung R-Day atema senden agi

Dimapur, January 12 (TYO) : January 12, 2016 nü Deputy Commissioner Kesonyu Yhome menden ser Dimapur district nung HODs, administrative officers, Police aser army ketdangsertem külem senden ka DC conference hall nung agi.

Taküm asoshi iba ya mezüng official senden liasü aser senden nung Dimapur DC Kesonyu-i tesenteper ajak den küm tasen salem lemsatepa liasü.

Iba senden ya Dimapur nung Republic Day benjung dak sendakba nung ayongzüka agi aser senden nung iba asoshi mapalem aser sentongtem benoka telemtetba agi.

Senden nungsa January 19 nungi 23 tashi parade rehearsals agitsü lemtet aser Dimapur

DC-i tesenteper ajak dang iba sentong tajungtiba nung amungtsü atema yariteptsü ayongzük.

Dimapur DC-isa district nung HODs ajak dang pei pei office nung January 25 nü National Voters Day dak sendakba sentong agitsü tetuyuba agütsü.