LKM lokti senden sentong tenzükogo

Tuli, Jan 12 (TYO) : Langpangkong Katetshir Mungdang 31 buba Lokti Senden aser Saisapong sentong January 12 nikongdang 4:00 ako nungi tenzükogo.
Iba sentong nung Parliamentary Secretary, Wb.Amenba Yaden tetushi tejaoker liasü. Pai iba sentong nung jembidang, saisapongba ajanga pei taküm lia otettsüsa asayatsü asoshi tayongzükba o agüja liasü.
Iba sentong tenzüka Merangkong Kaketshir Telongjem-i sangro zünga ketdangpurtem agizük aser jilushi balala agi sentong lapok.
Iba sülen metetpela mapang Wb. Aoshilu, Vice-President, LKM-i agia liasü aser Wb. Imdangjungba, Village Council Chairman Merangkong-i tayongzükba O agi lokti ayongzük. Wb. Sentiwapang Aier ADC, Tuli aser Wb. L. Tally Longkumer, Langpangkong Tsukong Mungdang tir nati tajungshi O jembi. Wt. Imlisenla aser LKM Conference Choir tem-i ken tena lokti ayongzük.
Wb.L. Jemti Longchar, President, AKM, Wb. Alem Jamir President TKM aser Mr R. Sunep President OKM parnok asem-i tepela alem o metetdaktsü.
Iba enting nung Lt. Pangersowa Trust Award for Excellence, Wb.Meyisunep Pongener, Chuchuyimpang, Wb. Lipokkaba Pongener-er jabaso nem sen ` 10,000 den nüngo kaket agütsü.
Ano, taruba kum nungi L.L. Yaden Memorial Trust Scholarship ka Langpangkong nunger kaketshirtem rongnung Govt High School nungi class ter tatidang nung takok angurtem rongnung tematiba jenang nung takok angur nisung ka nem sen Rs. 50,000 agütsütsü par kinungertemi nangzükba sangdonga liasü. Iba sentong tembanga TLBA sannüker Wb. Imsutoshi den sarasadem
January 13 anepdang nungi saisapong sentong tenzüktsü aser iba sentong nung Union minister of Sports & Youth Wb.S.Sonowal tongi tesemdanger asütsü.