Manipur nung NSCN IM Major ka apu

Imphal, July 19 (Agencies) : Honibarnü Manipur nung Red Shield Division kübok sepaitemi Akutpa, Senapati district nung NSCN (IM) züngsem ka apu.
Defence Wing-i ashiba agi, sepaitemi Major Chinghulan Kamei apu aser pa ket nungi nine mm pistol ka, injang round asem, sen lakh 3, mobile phone ana aser SIM card trok apu.
Pai sepaitem dang pa NSCN (IM) züngsem ka lir aser ozüng anema mapa aika inyakogo ta nangzük, ta Defence Wing sangdong nungsa shia lir.
Pa Hebron camp nung alir aser Buning camp nung mapa ka atema aodang apu, ta Chinghulan Kamei-isa sepaitem dang ashi.
Pa den külemi apuba ajak Police Station, Kangpokpi ket nung agütsüogo, ta Defence Wing-isa metetdaktsü.
Ano, Deobarnü Manipur kübok Bishenpur district nung Assam Rifles jawan temi Torbung nung bomb ka angu.
Iba osang angazükba sülen Manipur Police bomb squad pur tesem tonga orr bomb ji raksa endok.