David Beckham-i Spice Girls tanaben longjemdaktsüner

January 13, 2016: Popstar aser fashion-designer, Victoria Beckham-i kobi melii taoba mapang kentener telok Spice Girls nungi züngsemtem- Mel B, Mel C, Emma Bunton aser Geri Halliwell nunger den tanaben longjemtsüaakok.

Taküm küm Spice Girls telok küm 20 benjungmung amongtsü sentong lir.

“Ano osang tejangja masü saka Victoria-i parnok den külemi ken atentsü ta shiogo,” ta osang ka ajanga Britain nung Closer magazine dang ashi.

“Kenten sentong nung shilem agitsü atema David (Beckham)-i la ajungmeso,” ta kasa osang ajanga ashi.

2012 küm lar teloki London Olympics nung shilem agia liasü, iba sülen fashion designer Victoria-i, iba mapangji parnok sapurtemi parnok külemi shilem agiba reprangba tatembangbuba asütsü, ta shia liasü.