UP yimdaklirtemi BSP MLA ka apu

Chandauli, July 19 (Agencies) : Uttar Pradesh nung yimdaklirtemi tangari meinyakba mapa ka inyakogo aser ibaji parnok tesem nung electricity junga magütsüba atema ketdangser ana pua ayuba lir.
Parnoki Bahujan Samaj Party (BSP) MLA ka aser local councilor ka pur ghonda ana shi ayu.
“Mughalsarai nungi BSP MLA, Babban Singh Chauhan-i yimdaklirtem khuret angadangtsü atema ward 3-i ao. Idangji yimdaklirtemi pa apu. Yimdaklirtemi electricity aser water supply junga magütsüba atema lungkak aitdang iba ya atalok” ta Superintendent of police (SP), Muniraj-i ashi.
Iba osang angashiba sülen police tesem tonga orr yimdaklirtem den jembitepba sülen Chauhan chiok, ta SP-isa ashi.
“Iba yimtsüng nung electricity indang khuret tulu lir aser tzü atsüngdener. Item khuret asoshi mapa inyaktsü nangzükogo” ta MLA-i osangbener dang ashi.
Iba tatalokba atema ni police tsüngdang ken o kecha mebenok kechiyong idakjisa ken o angatettepa tembangogo, ta MLA Chauhan-isa shisem.