Razzies sempet atema Adam Sandler tenüng benoker

Los Angeles, January 13 (Agencies): Yaküm 2015 küm Hollywood nung shilem tamajungba agiba nüngtem nung agütsüba sempet, Razzies atema Adam Sander tenüng benokba osang angazükogo.
Actor & comedian, Sandler tenüng Razzies sempet ana tashi agütsütsü asoshi tenüng benoka tan agi Razzies sempet agütsütsü asoshi pungoben tashi tenüng atonga benoker kümogo.
1980 küm nungi tenzüka Hollywood-i shilem tajungtiba agirtem nem Oscar aser Golden Globes sempet agütsüba ama Razzies ya shilem mejungi agirtem nem sempet agütsüba tongti sentong ka lir.
‘The Cobbler’ aser ‘Pixels’ na film nung shilem kanga mejungi agiba nüngtem nung Worst Actor sempet atema Sandler tenüng benok.
Ano, ‘Mortdecai’ nung shilem agisang, Johnny Depp; ‘Fifty Shades of Grey’ actor, Jamie Dornan; ‘Paul Blart Mall Cop 2’ nung shilem agir Kevin James aser ‘Jupiter Ascending’ nung shilem agisang, Cahnning Tatum nunger tenünga Sandler den densema lir.
Worst Movie shilem nung sempet agütsütsü asoshi ‘Fantasic Four’, ‘Fifty Shades of Grey’, ‘Jupiter Ascending’, ‘Paul Blart Mall Cop 2’ aser ‘Pixels’ film nunger benoka lir.
‘Home Sweet Hell’ nung shilem agila, Katherine Heigl; ‘Fifty Shades of Grey’ actress Dakota Johnson; ‘Jupiter Ascending’ nung shilem agir, Mila Kunis; ‘The Boy Next Door’ nung shilem agir, Jennifer Lopez aser ‘Mortdecai’ nung shilem agila, Gwyneth Paltrow nungera Worst Actress sempet asoshi tenüng benokba osang jangjaogo.
Züngsem 900 densemba luden kati vote agütsüba sülen Razzies sempet agütsütsü asoshi shimteter tenüng tarensen Oscars sentong tan February ita 27 nü agiba sülen tasüng, February ita 28 nü alima dang sangdongtsü renema lir.
Razzies sempet agizükertemi dollar sen 5 jenjang aketba hon sentsü atepba takok marok agizüktsü.