Dimapur nung DTFI senden amen

Dimapur, January 14 (TYO): Dimapur Deputy Commissioner (DC), Kesonyu Yhome-i ayonger külen Dimapur kübok DC Conference Hall nung District Task Force on Immunization (DTFI) senden ka tanü, Brehostibar nü menogo.
Nagaland kübok Health & Family Welfare (H&FW) deparment-i ketdangsüa Dimapur nung Intensified Pulse Polio Immunization (IPPI) mapatong takok ngua inyaktsü tetuyuba ka Yhome-i tanü senden nung agüja liasü.
Dimapur nung IPPI mapatong ya tan January ita 17 nü aser taruba February ita 21 nü agitsü sentong renema lir.
“Immunisation booth ajak agi 512 tenteta supervisor 102 aser volunteer 2048-i polio mozü agütsütsü maparen inyaktsü renema lir,” ta shia, DPO (UIP/RCH), Dimapur, Dr. Lanuakum-i tanü senden nung power point presentation agia Polio indang Global update aser IPPI 2016 den sentakba osangtsüsang lemsatepa liasü.
Ano, H&FW ministry-i tuyuba ama, National Deworming Day 2016 anogomong sentong taruba February ita 10 nü agitsü renemba osang ka Dr. Lanu-isa metetdaktsü.