Tanü LKM asayamong nung final asayatsü

LKM Saisapong sentong nung teburtem volleyball asayaba noksa ka yangi angur (Tuli, Jan 14, 2016).

Tuli, January 14 (TYO): Langpangkong Kaketshir Mongdang (LKM) saisapong sentong yangi Tuli nung yashi January 13 nungi tenzükba asüng January 15 nü tembangtsü. Iba asaya nung Langpangkong tzükong kübok aliba yimtsüngtem nungi yim 17 shilem agidagi.
Brehostibar nü football quaterfinal nung Changtongyai Chuchuyimlang goal 2-0 agi akok, Merangkongi Yaongyimsen goal 1-0 agi akok, Salulamangi Mongsenyimti goal 3-1 agi akok aser Ungeri tie breaker penalty metsütepba nung goal 7-6 agi akok.
Item takokertem rongnung Hokolbar nü, tan January 15 anepdang 8:00 ako nungi semi final Changtongya o Unger na asayatsü aser Salulamang o Merangkong na asayatsü aser parnok rongnung takoker ana final nikongdang 2:00 ako nungi asayatsü.
Ano, kasa asayamong nung Brehostibar nü tebur volleyball asayaba nung Merangkongi Akhoya akok Wamekeni Asangma akok, Changtongyai Chakpa akok, Changtongyayimseni Mongsenyimti akok, Merangkongi Changtongya akok, Changtongya yimseni Wameken akok. Item takokertem rongnung Hokobar anepdang 10:00 ako nungi final Merangkong o Changtongyayimsen na asayatsü.
Ano, tanüsa tetsürtem volleyball asayaba nung Salulamangi Yaongyimsen akok aser Merangkongi Chuchuyimlang akok, Item takokertem rongnung asüngnep Hokolbar anepdang 8:00 ako nungi Salulamang o Merangkong na final asayatsü,
Iba LKM 31 buba lokti senden aser saisapong tembangba sentong ya Hokolbar aonung 5:00 ako nungi alitsü. Iba sentong nung Parliamentary Secretary, Wb.S.Chuba Longkümer tetushi tejaoker asütsü.
Taküm 2016 küm LKM saisapong sentong ya football ground asem nung aser volleyball ground ana nung asayadagi aser tesem balala nungi terepranger meyirijang aika adenshia benjong alir ama jangratema pelatepa longsutepdagi.