Coolpad-i sen 6,999 alang Note 3 Lite sayaogo

New Delhi , January 15 (Agencies): Coolpad-i yangluba China smartphone, sen 6,999 alang Note 3 Lite, New Delhi nung Hokolbarnü sayaogo.

Coolpad-i yanglutetba Note 3 Lite ya parnoki tang yanglutetba oset tasenbaji lir aser parnokisa tesüiba mapang yangluba Coolpad Note 3 yanglushiba amai lir koba Amazon.in ajanga talitsü angutsü.

Note 3 Lite ya fingerprint sensor, 5.0 inch HD screen, 3GB RAM aser telung nung 16GB keta yangluba smart phone ka lir, ta company sangdong ka ajanga New Delhi nung metetdaktsü.

Iba phone ajanga 4G amshitettsü aser Micro SD card amshia 64 GB tashi ulua amshitettsü.

Iba phone tesülen 13-megapixel aser tejaklen  5-megapixel camera ketja lir. Note 3 Lite phone nung ya 2,500 mAh battery enoka lir.

Coolpad Group nung chief executive, LI Bin-i, “Make in India” inyakyim kübok India nung parnok oset ayoktsü asoshi nükjidong lir, ta metetdaktsü.

“2016 asoshi mezüng Coolpad Note 3 Videocon Aurangabad factory nung yangluba ajanga onok kanga nema tangteter. Onük nükjidongji Made in India inyakyim kübok Coolpad phone million ka yanglutsü tebilemba lir,” ta pai ashi.

Coolpad Note 3 Lite ya sentsü ana nung angutsü.