Kohima nung mezüngbuba DPDB senden agi

Dimapur, January 15 (TYO) : 2016 atema mezüngbuba Kohima District Planning and Development Board (DPDB) senden January 15, 2016 nü agi.

Kohima Deputy Commissioner aser Vice Chairman DPDB, Ruovilatuo Mor, IAS lenisüba nung senden agidang, mezüng pai tesenteper ajak den Küm Tasen salem lemsatep.

Iba senden nung Village/Wards Adoption indang onük benoka lemsatep aser iba asoshi Adoption Teams tajungtib ana indang telemtetba nung ajemdaker Village Adoption mapa küma inyaktsü tebilembatem lemsatepa liasü.

Senden nung Deputy Commissioner-i mopung aonba mongpu nung Kohima district kübok arem nung mirok mi adokba atema tebilemtsü lia ashidang, iba khuret atema bangdak Department aser NGOs ajak renema alitsü mepishi.

Iba dak sendakba nung DPDB-i January 28, 2016 aüngdang 12:00 ako nungi DC Conference Hall nung Forest, Police, Disaster Management, IPR, NGOs, Fire services, APO, ASU, AYO, Rengma Hoho, SAYO nunger den külem senden ka agitsü telemtetba agi.

Kohima DC-isa January 12, 2016 nü Republic Day benjung atema District Level Meeting nung lemtetba osangtem metetdakja liasü.