Mapang shia pei temang tendangtsüla

Nisungeri tashidak balala nungi taneptsü bushia doctor den ajuruteper. Taküm tepiyong tim atemtsüsa tashidak benoka alirtemi doctor bushir aser ano, nisung karibo pei temang nung timatem tenzükdang doctor bushir. Ajisüaka, nisung timbakati mapang shia doctor den ajurutepa pei temang tendangtsü mejangrar.
Tesüiba mapang nungbo küm nung khen doctor den ajurutepa pei temang tendangtsü tangatetba yua liasü saka tanü putu nungbo arishi küm 18 ser tain nisungtemi pei temang küm 5 nung ken arishi küm 40 tain tashi tendangtsü aser iba sülen küm 3 nung ken tendangtsüla ta American Medical Association aser iba amala tongti mozü tentettemi bushitetogo.
Mapang shia pei temang tendangba ajanga bener arutsüba tajangzük kar:
*    Pei temang tashidak balala nungi kümzüktetter.
*    Pei temang nung tashidak tulu atemtsüsa aliba meteta mapang shitak nung taneptsü bushiteter.
*    Pei temang anema alitsü tasa aser shisatsü doctor-tem nungi angazüker.
*    Tetanus aser iba amala pei temangi mapang shia nungdakba mozü mapang shitak nung agir.
*    Pei doctor den tesendaktep junga alir.
(Source – Internet)