Turkey arrtsülen kiralongrari 27 tepset

Ankara, July 20 (Agencies): Hombar nü Syria den arrtsüsüa aliba Suruc jila, Turkey nung kiralongrar temi lendong agütsüba mapang nisüng 27 taküm lalutsüogo, ta ministry sangdong ka ajanga ashi.

“Sanliurfa nung aliba Suruc jila nung Hombar nü kiralongrari 12:00 ako meta lendong agütsü,” ta ministry-isa sangdong ajanga ashi.

“Tang tashi nung yangi alir senso tajung, parnok nisung 27 asüba jangjaogo,” ta kasa sangdong ajanga metetdaktsüdang ano tasüba taliang alitsü akok, ta shisem.

Kasa lendong nung nisung 100 dak tema yiruogo aser parnok ajak mozü kidang anepaludar, ta sangdong ajangasa ashi.