Facebook nung tangar noksa enoktsüba atema tepuokdaki ai

New York, January 16 (Agencies): America tsür kati tesüiba mapang la kinüngbo asüba teno tettsür ka noksa Facebook nung enoktsür, tekolok mait, ta noksa kübok zülua yutsüba ajanga küm ka asoshi tepuokdaki iogo.
New York nung alir Maria Gonzalez ya kinüngbo, Rafael Calderon den balaba sülen nungi pa teno Maribel Calderon den majuruteptsü asoshi court-i ozüng züngtsür liasü.
Gonzalez-i, Maribel dang tekolok mait ta ajaba aser na aser nür kibong majung…nenoki tang dang nungi jenjang tajungba akhümtsü merangang. Ni nenok dang khen yongi tekaba jenjang nung lir, ta Facebook nung züluba nung aija liasü.
Maribel den Facebook ajanga mejembitsü atema kü dang kecha balaka shia mali, ta Gonzalez-i court nung ashi.
Westchester County Supreme Court Justice Susan Capeci-i, “Iba tenokdangba ozüng nung Maribel den kecha yimyalen nungia sensak masemtsü shia lir,” ta ashiba New York Post ajanga metetdaktsü.
“La noksa Facebook nung enoktsüba ya ajanga ozüng anema inyaker ka akümer” ta judge-i metetdaktsü
Manhattan nung kiyimba tsütsü attorney, Michael Stutman-i, “Nai Facebook nung enoktsüba kechisarenaji na asoshi lendong asütsü akok,” ta ashi.