DPL T20: Blue Star, Flamingoz & Victoria nungeri takok angu

Dimapur, January 17 (TYO): Blue Star CC, Flamingoz SC aser Victoria Star CC teloktemi takok ngua 5 buba Dimapur Premier League (DPL) Twenty20 (T20) cricket asayamong Dimapur kübok Sovima Cricket Stadium nung tanü, Deobar nü nungi tenzüka asaya tenzükogo.
Tanü tetenzükba asaya nung Blue Star teloki wicket 9 agi Wiskers CC telok madak takok angu.
Arjun Kumar-i runs 13 yangluba densema, par Wiskers teloki overs 16 nung ajak agi runs 46 yanglu saka Blue Star asayartemi overs 8.4 nung runs 50 yanglua takok nguadok.
Blue Star asayar, Imliwati-i tanü asaya nung wicket 4 tashi agiba yong pa Man of the Match asayar aküm.
Tanabuba asaya nung Flamingoz teloki mezüng batting süa, par asayar, Deepak, Vicky aser Jalal nungeri runs 23, 23 aser 22 yangluba densema, par teloki overs 20 nung ajak agi runs 159 yanglu.
Ajisüaka, Evergreen CC telok asayar ajunga overs 13 nung asayadak temaleni tugua ajak agi runs 69 dang yangluba yong par teloki runs 90 agi tamakok ajuru.
Victoria telokia runs 27 agi New Market Warriors telok madak tasembuba asaya akok.
Victoria teloki overs 20 nung runs 117 yanglu saka New Market teloki overs 17.3 nung runs 90 dang yanglutetba yong par teloki tamakok angu.
Tasembuba asaya nung Victoria asayar, Enam Uddin Man of the Match asayar aküm.
Asüng, Hombar anepdang 8:30 ako nungi tenzüka Super Caps teloki Zenith CC den, 11:45 ako nungi tenzüka Sparks CC teloki Wiskers CC den aser nikongdang 3:00 ako nungi tenzüka Kohima Hornbills teloki Evergreen CC telok den asayatsü lemzüka lir.
Tasembuba asayajibo anüngdang aser aonung naprongla asayaba asaya alitsü.
Ajak agi telok 16-i shilem agiba asayamong ya tan January ita 26 nü tembangtsü.