DPL T20: Super Caps, Wiskers & Hornbills nungeri takok angu

Dimapur, January 18 (TYO): Super Caps CC, Wiskers CC aser Kohima Hornbills teloktemi takok ngua tang tasayadak Dimapur Premier League (DPL) Twenty20 (T20) asayamong anogo tanabuba, tanü Hombar nü shilem agiogo.
Tanü mezüngbuba asaya nung Super Caps teloki runs 26 agi Zenith CC telok madak takok angu.
Hritu Raj, B. Deka aser Nayan nungeri runs 35, 25 aser 12 yangluba densema, par Super Caps teloki overs 20 nung runs 125 yanglu saka Mohit, Aksha aser Hemanshu nungeri runs 22, 12 aser 20 yangluba densema par Zenith asayar ajunga overs 18.3 nung asaya temai tugua runs 99 dang yangluba yong par teloki tamakok ajuru.
Super Caps asayar, Hritu Raj mezüngbuba asaya nung Man of the Match shima liasü.
Tanabuba asaya nung Ashok aser Vaibhav nati runs 42 aser 12 yangluba densema par Sparks CC teloki overs 20 nung runs 95 yanglu saka Jonathan, Luis, Sadik aser Amit nungeri runs 12, 24, 22 aser 14 yangluba densema par Wishkers teloki overs 16.3 nung runs 97 yanglua par telok nem takok ngudaktsü.
Wiskers asayar, M Sadik tanabuba asaya nung Man of the Match aküm.
Hornbill teloki wicket 6 agi Evergreen CC telok madak tasembuba asaya akok.
Sudama aser Anwar nati runs 11 aser 33 yangluba densema, par Evergreen teloki overs 18.3 nung runs 97 yanglu saka Anga, Imomenba aser Roshan nungeri runs 30, 13 aser 21 yangluba densema, par teloki overs 14.2 nung runs 98 yanglua wicket 6 agi takok angu.
Tasembuba asaya nung Evergreen asayar, Anwar Man of the Match shim.
Asüng, Mongolbar asasa yamai alitsü:
New Market Warriors Vs Lhomithi Knights @ 8.30 a.m.
Kohima Hornbills Vs Flamingoz SC @ 11.45 a.m.
Blue Star CC Vs Sparks CC @ 3 p.m. (D/N)