Microsoft-i Israel nunger cyber security Adallom alizüktsü

Tel Aviv, July 20 (Agencies) : Microsoft Corp-i $320 million agi Israeli cyber security company Adallom alizüktsü atema sentong renemer, ta Calcalist financial newspaper ajanga metetdaktsü.

Adallom company ajanga cloud security platforms yanglur aser parnok ya Israel nung Microsoft indang cyber security business tongtiba akümtsü imlar, ta osangkaket ajanga metetdaktsüogo.

Iba osang atema Adallom den mejembitet aser Israel nung Microsoft ketdangsertemi osangbener den kecha melemsatep.

U.S. technology company-i Israel nung company aika alizükogo aser item rongnung $200 million agi security software developer Aorato alizükba dena lir.

Microsoft-isa analysis company Equivio aser digital pen maker N-trig indang technology tem-a alizükogo.

Adallom company-i Sequoia Capitol aser European Index Ventures nungi aser ano EMC Corp o Hewlett-Packard nunger den shishilembaba ajanga $50 million shi aazükogo, ta Calcalist osangkaket nungsa shia lir.

Adallom ya 2012 küm tenzük aser Israel o United States nung parnok office balala nung nisung 80 shi mapa inyaker.

Iba company ajanga remote server tem nung information security technology agütsür. Parnoki Salesforce, Microsoft mesüra Google cloud services nung data bendena aliba cyber attacks nungi kümzüka yuteter.