Karbi nung grenade ka apok; Nisung 1 asü, 4 yiru

Guwahati, January 19 (Agencies): Mongolbarnü Assam, Karbi Anglong district nung bomb ka apokba lendong nung tetsür ka asü aser nisung pezü yiruogo.
Osang angazükba agi, Karbi Anglong headquarters, Diphu nung apokba bomb ji grenade asütsü südi ta police-i bilemer. Iba lendong nung asürji Tuni Begum lir ta jangjaogo.
Ato kilonser Narendra Modi-i Assam semdanga assembly election atema BJP nüboyim tenzükba anogo nung iba lendong atalokogo.
Tanep Modi-i Assam, Kokrajhar nung lokti senden ka nung jembia liasü, aser nikongdang Guwahati nung Indian Institute of Technology (IIT) kaketshirtem den jembi.