HIL: Punjab Warriors teloki 1 buba asaya akok

Chandigarh, January 19 (Agencies): Punjab Warriors teloki goal 2-0 agi defending champions, Ranchi Rays madak takok ngua 2016 Coal India Hockey India League (HIL) asayamong lapokba asaya nung tanü, Mongolbar nü asayaogo.
Tanü asaya nung centre-half Sardar Singh-i agütsüba pass ball agizüka, Australia nunger Jake Whetton-i goal toktsür tejakleni atusang, Ranchi goalkeeper, Tyler Lovell ajangdanga ball zükoja par Punjab telok asoshi asaya tenzüker minute 2 buba nung goal agütsü.
Goal tazüng alidang agütsüba goal-ji goal 2 ta züngoktsü asoshi tan asayamong nung latetba yong par Punjab teloki tanü asayaji goal 2-0 agi akok.
Warriors teloki asüng, Bodbar nü Delhi Waveriders aser tan Hokolbar nüa Uttar Pradesh Wizards telok den asayatsü lemzüka lir.
Tanü asaya nung Player of the Match shima, arishi küm 24 tain Whetton-i senpet sen 50,000 agizük.