Tuli CHC nung health camp ka agi

Dimapur, July 20 (TYO) : July 18, 2015 nü Tuli CHC health camp ka ayongzüka agiogo. Iba sentong ya HANS foundation aser Tuli temeket nung aliba Medical Officer tem külemi ayongzük.

Health camp nung shiranger 194 tashi temang tendang aser mozü angati agütsü. iba anogo nung lab investigation aser counseling agi.

World Population nüngtem nung iba health camp ya agi aser mashisa aliba tetsür aser tanur bentsür tetsütem atema Focus Group Discussion agi.

CMO office Mokokchung nungi Dr. Kibang Dy.CMO Mokokchung den DPM,DAM aser DCM nungertemi iba health camp semdang.