Australian Open: Djokovic o Serena na 3 buba round-i iogo

Melbourne, January 20 (Agencies): Defending champions, Novak Djokovic aser Serena Williams napronglai tanabuba round asaya koka tang tasayadak 2016 Australian Open tebur aser tetsür singles shilem indang tasembuba round asayatsü jenjang tanü Bodbar nü ajangzükogo.
Serbia nunger Djokovic-i tanü points 6-1, 6-2, 7-6 (7/3) ngua France nunger asangur, Quentin Halys tsükdaktsü.
America tsür, Serena-ia tanü points 6-1, 6-2 ngua Taiwan tsür, Hsieh Su-Wei ayong ayonga akok.
Tan agi Grand Slam takok marok 18 buba agizüktsü alizüng ayusang, Switzerland nunger Roger Federer-ia tanü points 6-3, 7-5, 6-1 ngua Ukraine nunger Alexandr Dolgopolov tanabuba round nung tsükdakja tasembuba round-i iogo.
Australia tsür, Daria Gavrilova-i points 6-4, 6-4 ngua tsükdaktsüba sülen Czech Republic tsür, Petra Kvitova Simona Halep aser Venus Williams na sülen anidaka, tan asayamong nung tamakok angur tetsür top 10 nung alir tetsür asayar rong nung densemogo.
Taoba mapang Grand Slam takok marok 5 tashi agizükla, Russia tsür, Maria Sharapova-ia points 6-2, 6-1 ngua 105 buba jenjang nung alir, Aliaksandra Sasnovich madak takok angu.
India nunger Mahesh Bhupathi aser Luxembourg nunger Gilles Muller natia ghonda 2 ser minute 13 nung points 7-6 (4) 3-6 6-4 ngua Australia nunger Alex Bolt o Andrew Whittington na mezüngbuba round nung tsükdaktsüba sülen tebur doubles shilem indang tanabuba round asayatsü jenjang anguba osang jangjaogo.