DPC züngsemetem tanü Hepatitis-B vaccination agitsü

Dimapur, July 20 (TYO) : Dimapur Press Club (DPC)-i Dispur Hospitals, Assam den yaritepa DPC züngsemtem atema Hepatitis-B vaccination camp ka tanü ayongzüka agitsü.

Iba sentong ya July 21, 2015 anepdang 10:30 ako nungi Press Point, Super Market nung alitsü.

Hepatitis-B vaccination indang dose ana agütsütsü aser mezüngbubaji asüng aser tanabubaji August 21, 2015 nü agütsütsü, ta DPC mendenpurtemi metetdaktsüogo.

Iba mapa ya DPC-i kümshi züngsemtem atema inyakba mapa nung shilem ka lir aser maneni tarutsü anogotem nunga iba amala health camps ayongzüka agitsü.

DPC züngsem ajak iba vaccination camp nung adentsü metetdaksür aser kasa anogo nung Identity Card agütsütsü, ta DPC mendenpurtemisa metetdaktsüogo.