Colors Infinity nung ‘Mad Dogs’ reprangtettsü

Mumbai, January 21 : India nung alir US indang thriller drama aser TV series “Mad Dogs” sapurtemi US nung iba sentong yokba mapang kasa nung India nunga episodes 10 prongla reprangtettsü.

Colors Infinity ajanga “Live Binge” lapoktsü aser iba sentong ajanga international sentongtem parnok sayuba mapang kasa nung India nunga reprangtettsü. Iba inyakyim agi internet ajanga tim masü download asüba inyakyim nungi kümzüker.

“India nung tan mezüngsüa “Live Binge” ajanga ‘Mad Dogs’ sayuba agi international sentongtem aika parnok reprangba mapang nung repratettsüsa maongka angutsü. Linük nung ‘television live binge’ tan mezüngsüa lapoktetba atema onok kanga pelar,” ta Viacom18 nung executive vice president, aser English & Youth entertainment nung takolakba Ferzad Palia-i sangdong ka ajanga ashi.

“Mad Dogs” ya Cris Cole-i zülua yanglu aser Michael Imperioli, Billy Zane, Steve Zahn aser Romany Malco den Ben Chaplin nungeri shilem agia lir.

Iba sentong ya mezüngbo Britain TV series liasü aser tesülen ang US television nung amshi. Mad Dogs ya tembar pezü rongnung ka mapa nungi anisüngzükba nüngtem nung yimti tanga ka nung oa pelateptsü sentong yangluba otsü lir.

Otsü nung parnok rongnung ka tangari tepsetba sülen otsü tera melenshia akümba ajanga tereprangnütsüka lir.

“Live Binge” ya Colors Infinity nung Honibarnü sayatsü.