Panasonic-i LED TV ka sayaogo

New Delhi, January 21 (Agencies): Panasonic India-i noksa kanga merüka angutsü atema Hexa Chroma Drive technology keter LED TV tasen ka Bishostibarnü sayaogo.
Panasonic CS580 TV nung VIERA TH-49CS580D keta aliba ajanga HD LED TV dang nungi noklang nung shilem 57 agi noksa temerükba angur aser Bluetooth speaker den a sentakteper amshiteter.
“Kidang iba TV amshirtem nem tajangshiba tajung agütsütsü asoshi Panasonic-i Hexa Chroma Drive keta aliba CS580 LED TV tasenba sayaogo,” ta Panasonic India (consumer electronics) nung tekolakba Ashish Sasidharan-i sangdong ka ajanga ashi.
Iba TV nung LED panel teperang enoka lir koba nung 100Hz backlight motion aser Panasonic indang “Vivid Digital Pro”dena lir. TV nungsa V-Audio technology keta lir aser ibaji ajanga menüngdakba ola aser noksa den azüokteter.
Iba TV ya remote dang masü saka ola agia azüoktetter.