Tsüngremi mulungba ama liang

Aser Tsüngrem metetba nung rena, mapa tajung ajak nung tejang tanga, aser ajak nung Kibuba temulung chidakja temsüa jajatsü asoshi onoki sarasademer (Kol. 1:10).
Anungji adianutem, nenoki pei mang taküm tenla ka, temeshi aser Tsüngremi agizüktettsüsa tenlaang ta, ni Tsüngrem yimlibilem agi nenok ajungshir. Ibaji nenok tanela tekülemba lir. Aser iba putu yimya ama teli, saka tajung, tagizüktettsüba aser tabensa Tsüngrem mulungba kechi aji tendanga metettsü asoshi, nenok temulung tasen akümba agi nenok melenshidakjang (Rom 12:1,2). Nenok shi tashi mait nung, ni nenok dang nisung ama jembir, kechiyong nenoki kechi koda nenok tenüktelen memeshiba nem alar ama agütsü aser tali, tali temenen tuluba nem agütsü, aji oda tang nenok tenüktelen temeshitettsü asoshi temeshiba lartem ama agüjang (Rom 12:19). Kechiyong nisung tasen akümba dak alema temejeptokba süshia, memejeptokba süshia kecha mali. Aser kwikati iba ozüng agi jajadir, parnok madak aser Israel pur ajak madak tesünep aser yimlibilem sang (Gal. 6:15,16).
Nenoki tejang jenti tangar nenok Kü nütsünga ta sayudang, Kü Bu sentsüwangshir (Yn. 15:8). Nenoki Ni shimtet masü, saka Ni nenok shimtet, aser nenok tejang alitsü asoshi Ni nenok atadaktsü: anungji nenoki Kü nüng nung Tebu dang kechisa meshidir aji Pai nenok nem agütsütsü (Yn. 15:16).
Kibuba Yisu, Tebu dang Ne tenüng nung kü nüngdakbatem meshitsü Tanela Temeshi-i sayudakjangma. Amen.