Farhan Akhtar aser kinüngtsü Adhuna na pilatsü

January 22, 2016: Bollywood nung ajaki kanga meima aliba kibong rongnung ka, Farhan Akhtar aser Hair stylish, Adhuna na kibong kümer küm 16 lir külen pilatsü metetdaktsüogo.

Par osangbener sangdong ka ajanga ashiba agi, tena ya tangatettep tajung nung pilar.

“Küna, Adhuna aser Farhan nati tangatettep tajung nung pilatsü lemtetogo. Ajak nung tanur tama südaktsütsü aser tsürabur ka ama tanur dang nungi parnoki mejangjaba otsü bendenertem aser nüburtem nükla tamajung nungi kümzüka ayutsü. Küna iba shisabulu mapang nung yimya meteta kanga memeintsü mepishir,” ta sangdong ajanga metetdaktsü.

Tena ya tanur ana– Shakya aser Akira na agi sosema lir.