Yisu tsüngdang temekok agi apudaktsü

Idangji Ne temeshipur dang Nai mangdang nung jembi, aser ashi, “Tashi iter ka manung ni korang yutsüogo. Nübur nungi shimtetba ka ni ulutsüogo (T.Ken 89:19).
Ni nisa Kibuba lir; aser Kü dak alema kümzüktsüba shinga mali (Isa.43:11) kechiaser Tsüngrem ka dang lir; Pa aser nisung tsüngda nung tetsüngdai aiba ka dang lir; Pa nisung lir, oda Khrista Yisu (1 Tim.2:5). Aser tangar nisung shinga taka tekümtet mali, kechiaser asenok kechi kümzüktsü tim, anüng kübok nisung rongnung tanga tenüng kecha agüja mali (T.Mapa 4:12).
Tsüngrem tashi Tulusang (Isa.9:6). Saka pei sasa tazüngla kümer, alar ama küma, nisung ama aküm aser sorobangru nung nisung ama kümer, pei sasa ajemalua küma, tasütsü, oda kangki nung asütsüa, tashi anga aküm. Aji asü nung Yisu tenüng nung takok nung alirtem aser alima nung alirtem aser ali telung nung alir ajaki temekok agi apudaktsü… Tsüngremi pa kanga ulutsü, aser tenüng ajak dang taoba tenüng Pa nem agütsü (Filipi 2:6-11). Saka kotak tenyartem dang nungi shiba dang tera dang tekübokba kümdaktsü pai Tsüngrem taochi agi nisung ajak asoshi tasüba menakdangtsüsa, Pai tasü tekangshi nung sentsüwangshi aser tetushi korang asemba Yisu asenoki angur kechiyong Pai tasüba ain akabaji, oda Satan, tasüba ajanga amajok kümdaktsütettsü asoshi… shi aser azü atener tem ama, aji oda Pai pei sasa aten (Ibri 2:9,14).
Kibuba Yisu, ni kümzüktsü asoshi Na Ne sasa shi azü atener ka ama akümba asoshi Ne Tenüng asanger. Amen.