Guwahati nung taila electrical goods apu

Guwahati, January 23 (Agencies) : Hokolbarnü Guwahati nung Paltan Bazaar Police den Patiala House court, New Delhi court commissioner dener tesem ana mita aodang sen lakh 15 shi alangba taila electrical products apu.
Item oset ya Guwahati kübok AT road nung retailer ana ket nungi apu aser parnoki L&T tenüng amer taila motor starters aser relay units yanglua ayok.
Larsen & Toubro Limited atema Advocate Akshay Shrivastava-i ashiba agi, retailer tem jagi L&T tenüng amer electrical products tamajung ayok.
“Parnok ket nungi taila motor starters aser relay units puogo. Onoki taruba hopta okadak ken o ka benoktsü” ta paisa ashi.
Iba dak sendakba nung police-i nisung shinga pua mali aser parnoki ashiba agi Assam nung taila heavy industrial equipment yangluba telok ka nung iba ya shilem ka lir.