Meluri nung kaketshir ana khasetba mapa bushisüngdangtsü

Kohima, July 20 (TYO) : Tawa Phek district nung Meluri sub-division kübok Assam Rifles aser NSCN-K pur na tsüngda khatepba sülen kaketshir ana khasetba maparen bushisüngdangtsü asoshi Additional Deputy Commissioner, Phek, Kuko Mero nem nungloktsüogo.
Pai iba mapa inyakdang, kodaser aser shirnoki kaketshir anaji khaset aser ka yirutsü aser shibai mesüra shirnoki prangpong yok, iba lendongji paidoktetba lendong ka asüh asü (?) ta asüba onüktem nung ajemdaker bushisüngdangtsü aser iba sangdongba sülen anogo 15 nü tsüngda pai bushitetba osangji agütsütsü ta sorkari metetdaktsüba osang nung shia lir.
Iba lendong atalokba ya July 15, 2015 nü liasü aser tasüsang anaji ka Phor nunger Sukhaho’er jabaso Thezali aser ka Wuzu nunger P.Yetili’er jala Aso liasü. Iba lendong nungjisa Wuzutsür ka tenüng agi Esther yiru.