Guwahati, January 24 (Agencies): Mongulbarnü Ato Kilonser Narendra Modi-i Kokrajhar semdangba mapang Bodoland Territorial Council (BTC) nem sen crore 1,000 teyari agütsütsü atema ola kecha madok.
Modi-i iba atema ola madokaka senji taruba ita Union finance minister Arun Jaitley-i budget osang sangoktsüdang densemtsü ta Bodoland People’s Front (BPF)-i kanga imla atar.
Ajisüaka iba tenangzükba atema Modi-i ola madokba ajanga BPF aser BJP na tsüngda tesendaktep nung timtem kar adoktsü akok.
Pai nangzükba sen taruba küm atema küm tatem budget senden nung centre-i shitak melemzüktsüra telok ana tsüngda tesendaktep ayuba khen reprangshitsüsa akümtsü.
“Onoki sen crore 1,000 ji BTC terenlok mapa atema aginer. Iba sen ya magütsüra tesendaktep reprangshitsü. Nüburtem dang onok telangzütsü maka akümtsü,” ta BPF lenir kati ashi.
New Delhi nung January 17 nü April ita nung akatsü aliba assembly election atema tesendaktep yanglutsü asoshi BPF Tir aser BTC chief administrator Hagrama Mohilary o Modi na ajurutepba mapang Modi-i Hagrama dang iba sen agütsütsü nangzük.
You must be logged in to post a comment Login