India nung ‘passenger vehicle segment’ nung Maruti tajungtiba

New Delhi, January 24 (Agencies) : Yaküm December ita India nung domestic passenger vehicle (PV) telemsa nung Maruti Suzuki India mezüngbuba jenjang nung liasü aser gari tematiba 10 rongnung parnok indang gari 6 züngsem.
December 2015 nung France nunger company Renault indang gari tasen Kwid-a tajungtiba 10 rongnung züngsemogo.
Society of Indian Automobile Manufacturers (SIAM)-i asadanga bendenba osang tesüsabuba nung passenger vehicles tajungtiba 10 rongnung Maruti Alto mezüngbuba jenjang nung liasü. Yaküm December ita Maruti Alto gari 22,589 units ayok.
Ano, tanabuba jenjang nung Maruti nungisa Wagon R gari liasü aser iba gari 14,645 units ayok.
Tasembuba jenjang nunga MSI indang Swift gari (14,548) aser pezübuba nung DZire (13,176 units) liasü.
Hyundai Motor India indang gari Grand i10 jenjang pungububa nung liasü iba gari 12,749 units ayok.
Yaküm December ita India nung tajungtiba domestic passenger vehicle (PV) jenjang trokbuba nung Maruti indang Baleno, tenetbuba nung Hyundai indang Elite i20, tibuba nung Maruti indang Celerio, tugububa nung Mahindra & Mahindra indang Bolero aser terbuba nung Renualt indang Kwid liasü.