Kaziranga nung kentok ana kahsetogo

Guwahati, January 24 (Agencies):  Guwahati nungi kilometer 250 shi pilar aliba UNESCO indang world heritage Kaziranga National Park nung taküm küm tenzüker mezüng hopta ana tsüngda ozüng alema shikarirtemi kentok ana kahsetogo.
Deobarnüa kentok ka kahsetogo aser ibaji densemabo taküm küm tenzüker kentok ana kahsetogo.
Deobar nikongdang Kazirangka Park nung Burapahar arem nung Sanak anti-poaching camp anasa kentok ka kahset.
Iba tesem nungji Forest ketdangsertemi automatic prangpong injang terep 30 angu. Shikarirtemji aputsü atema mita ao saka shinga mepushi.
“Forest guard temi mita aoba mapang kentok tasümangji angu, saka tezübo maliasü. Iba tesem nungjagi shikarirtemji jena otet,” ta Kaziranga divisional forest ketdangser, S K Seal Sharma-i ashi.