NE telungpurtemi Republic Day noktanger

Guwahati, January 24 (Agencies): Republic Day amungtsü anogo ka lia northeast nung telungur telok pezüi January 26 nü Republic Day nokdangtsü tetuyuba agütsüogo.
Mongulbar anepdang 12:01 ako nungi nikongdang 6:00 ako tashi northeast ajunga mokdangtsü ta United Liberation Front of WESEA (UNLFW), Coordination Committee (CorCom) of Manipur, Garo National Liberation Army (GNLA) aser Hynniewtrep National Liberation Council (HNLC)-i külem sangdong ka nung metetdaktsü.
Iba noktangba kübok emergency services, media aser tamangba yimsü dak sendakba sentongtembo maiter, ta parnokisa metetdaktsü.
“Asen West Eastern South East Asia (WESEA) nung Republic Day mamungtsü atema sensotem dang sangoktsür. January 26, 2016 anepdang 12:01 ako nungi nikongdang 6:00 ako tashi northeast ajungba mokdangtsü onoki ayongzüker” ta UNLFW, CorCom, GNLA aser HNLC teloktemi sangdong nungsa metetdaktsü.