‘Spider-Man’ tasenba sangküm July 7 nü sayatsü

January 27, 2016: ‘Spider-Man’ movie tasenba sangküm July 7 nü Imax Theatres den alima ajaklen sayatsü.

Spider Man film 6buba produce asütsü atema Sony Pictures Entertainment-i Marvel Studios den senteper inyaker, iba film ya alima ajaklen billion 4 yokzükogo, ta variety.com. osang ajanga metetdaktsü.

Tom Holland-i Peter Parker shilem agitsü aser Marisa Tomei-i Parker tetsü tanutsü shilem agitsü.

Jon Watts-i movie tasenbaji direct asütsü. Iba movie otsüji John Francis Daley aser Jonathan Goldstein nati zülua lir.

“2002 küm Spider Man tenzükba mapang nungi Imax-i joko mapang talangka Marvel aser Sony den senteper inyaka arur, koba ajanga Peter Parker ama shilem ajanga film sapurtem jangratemdaktsür,” ta Imax nungi Greg Foster-i sangdong ka ajanga ashi.