Global corruption index nung India jenjang junga kümdar

New Delhi, January 27 (Agencies): Alima nung ochimashi anema junga inyakba linüktem tarensen, Global corruption index nung India jenjang junga kümdar, kechiyong yaküm linük 167 nungi India linük jenjang 85buba nung ang liasü saka takümbo jenjang 76buba nung lir, ta Bodhbarnü Transparency International (TI)-i agiba survey ka ajanga metetdaktsü.

Scandinavia linüktem- Denmark, Finland aser Sweden linüktem yaküm küm ama taküm küm-a tajungtiba jenjang asem nung lir.

Ano külen mepetmesü aser rara aliba linüktem- Afghanistan, North Korea aser Somalia linüktem jenjang iba tarensen nung kanga tsünglanglen lir.

Maneni iba tarensen jenjang 4buba nungi jenjang 9buba tashi nung New Zealand, Netherlands, Norway, Switzerland, Singapore aser Canada linüktem lir.

South Africa-ia point 44 nguteta jenjang 61buba nung lir.

Brazil aser India napronglai point 38 nguteta kasa tarensen jenjang 76buba nung lir.

China linük-ia points 37 nguteta jenjang 83buba nung lir aser Russia-ibo point 29 dang nguteta jenjang 119buba nung ang lir.

Iba tarensen nung tashi tulu aliba linüktem jenjang tamajunglen lir.

Global corruption index tarensen ya sorkar, yimtenren party tem aser ketdangsertemi ochimashiba nung tongti süa repranga yanglur.

Linük 167 rongnungi shilem asem nung shilem anaibo point 100 nungi point 50 kübok dang nguteta liasü.

Iba tarensen nung taoba mapang dang nungi jenjang tamajungba angubaji Brazil liasü. Par linüki taküm point 5 tajemba ngua jenjang 7 agi tajemba küma jenjang 76buba angu.

Brazil linük dak alia Libya, Australia, Brazil, Spain aser Turkey linüktemia taoba mapang dang nungi tang jenjang tamajungba angu.