Secretariat Plaza nung 67 buba Republic Day shibangba sentong agi

Dimapur, January 27 (TYO) : January 26 nikongtsütsü Secretariat Plaza, Kohima nung 67 buba Republic Day 2016 shibangba sentong agi aser iba nung tongti tesemdangerji Nagaland Chief Secretary, Pankaj Kumar liasü.

Sentong nung Kohima Municipal Council-i ward balala tsüngda ayongzüka arr atsütepba tetoktepba liasü aser iba tetoktepba nung Potterlane Ward-i mezüngbuba jenjang, Kitsubozou Ward-i tanabuba aser PWD Ward-i tasembuba jenjang takoktem angu.

Iba sentong nungsa, Nagaland A team aser B team tsüngda Sepaktakraw match ka asaya aser iba nung B team-i takok angu.

Tongti tesemdanger, Pankaj Kumar-i armed category kübok best contingent nem sempet agütsü aser mezüngbuba jenjang nung 19 Assam Rifles aser tanabuba jenjang nung 15th NAP (IR) Mahila Bn nati takok angu.

Ano, unarmed category kübok NCC 1st Naga Girl Bn Sr. Div-i mezüngbuba aser NCC No. 1 NL AIR sqdn-i tanabuba jenjang takok angu. School tem telemsa nung Bharat Guides-i mezüngbuba jenjang aser 4th NAP Regimental School Thizama-i tanabuba jenjang takoktem ngua liasü.

Iba sentong tembanga Nagaland Police nungi Brass Band aser 9 Assam Rifles nungi Pipe Band nungeri and display liasü aser iba sülen ‘beating of the retreat’ agia anogomung tembang.