Rihanna indang kensep 8buba ‘Anti’ sayaogo

January 28, 2016: Nüngtugu kentener Rihanna indang studio kensep 8buba ‘Anti’ renema sayaogo, lai iba kensep nungi Drake tenati atenba ken ‘Work’ sayaba sülen mapang tatsüka tsüngda kensep-a sayaogo.
‘Work’ ken ya January 27, 2016 nü radio nung sayaogo aser artist-friendly subscription service Tidal nunga stream asütsü. Iba ken nung taoba mapang tedong Drake-ia shilem agir. 2010 küm sayaba ken ‘What’s My Name’ nunga Drake-i shilem agia lir.
Osang ajangasa ashiba agi, Rihanna aser Drake na ‘Work’ ken video-a tangokogo, aser ibajia kobi melii sayatsü imlar.
Rihanna-i Twitter ajanga la saurtem dang, tang lai iba kensep tangatak lir ta lemsatepba sülen mapang tatsüka tsüngda iba kensep sayaogo.
‘Anti’ kensep nungi mezüng official süa sayaba kenji ‘Work’ liasü. Iba mapang nungsa la indang movie ‘Home’ atema-a ken ka record süogo, ajisüaka ‘Towards the Sun’ kenbo kensep tasenba nungji maden.
Rihanna-isa San Deigo nung February 26 nungi tenzüka alima sema kententsü sentong sangdongogo.
‘Anti’ kensep sayaba sülen Rihanna-i twitter ajanga, “Nenoki ni alima nung tepelatiba tetsür ka kümdaktsüogo!! Nenoki #ANTI kensep meimba atema pelar! Iba ya sempet tulutiba ama züngshir,” ta ashi.
La sapurtemi iba kensepji Tidal ajanga angutsü, na züngsem ka mesüaka angati angutsü.
Ken 13 aliba kensep nung Drake, SZA, The-Dream, Travis Scott aser Timbaland nungeri shilem agia lir.
Kensep tasenba nung ken 13 ji- “Consideration” (ft. SZA), “James Joint”, “Kiss it Better”, “Work” (ft. Drake), “Desperado”, “Woo”, “Needed Me”, “Yeah, I Said It”, “Same Ol’ Mistakes”, “Never Ending”, “Love on the Brain”, “Higher” aser “Close To You” lir.