Ochi nung parnok meshitetjang: ne O ochi lir (Yn. 17:17).

Ni nenok dang jembiba o agi joko nenokbo meshiteta lir (Yn. 15:3). Rongsen ama Khrista o ji nenok dak mungdakjang (Kol. 3:16).
Asangur nisungi pei lenmang koda merüka yutettsü? Ne o ama aji mita aliba agi (T.Ken 119:9). Kechiyong tashitemetet temulungjangi aitsü. Aser shisatsü ne nela asoshi jangratemtsü ka alitsü, Teshisadangbai ne madak mittsü; Tangatetbai na anüktsü (A.Shin 2:10,11).
Pa tsüngsü nung ni metitemi jajaogo; Ni pa lenmang anidakogo, aser tangaleni mao. Pa bang nungi kazükba ozüngtem ni kodanga meindok: Kü chiyungtsü dang nungi talisa ni pa O rizüngogo (Yob 23:11,12). Kü tesayur dang nungi ni tali tangatetba lir; kechiyong ne ozüngtemji kü teshisadangba lir (T.Ken 119:99). Anungji Yisui Yihuda nunger shini pa dak amang, parnok dang ashi, “Nenoki kü o nung lira, ajangla nenok atangji kü nütsüng; aser nenoki ochiji metettsü, aser ochi jagi nenok nüji kümdaktsütsü (Yn. 8:31,32).”
Oba, Tsüngrem, Ne O ochi nung meshitetta yujangma. Amen.