Kim Basinger-i ‘Fifty Shades Darker’ film nung shilem agitsü akok

Los Angeles, January 29 (Agencies): Hollywood actress, Kim Basinger ‘Fifty Shades Darker’ film nung shilem agitsü asoshi anioksemba osang ka angazükogo.
‘Fifty Shades Darker’ film ya taoba mapang yangluba tashishitsü aketba ‘Fifty Shades of Grey’ film tanabuba lir.
‘Fifty Shades of Grey’ film nung Christian Grey ama tongti shilem agisang, Jamie Dornan den taoba mapang meimteper aser aroki shishilembar, Robinson ta ajala Elena Lincoln ama Basinger-i ‘Fifty Shades Darker’ film nung shilem agitsü sentong renemba osang ka ew.com-ia metetdaktsüogo.
E.L. James-i züluba otsü kaket nung ajemdaker yanglutsü renemba ‘Fifty Shades Darker’ film nung Lincoln-i Grey puatsü asoshi Grey tedong, Ana Steele den tokteper.
2013 küm yangluba ‘Grudge Match’ film nung Robert De Niro aser Sylvester Stallone na den külemi shilem agila, arishi küm 62 tain Basinger-i ‘The 11th Hour’ aser ‘4 Minute Mile’ film nunger nung shilem agia lir.
James Foley-i direct süa yangluba sülen ‘Fifty Shades Darker’ film ya sangküm, 2017 küm February ita 10 nü sayatsü sentong lir.