Justin Bieber-i gari agi tsüker aliba tantsür ka yari

Los Angeles, January 29, 2016 : Justin Bieber-i Samaria tajung mesüka gari agi tsüker aliba tantsür ka yari. Police maru tashi Bieber aser par teloki tantsüla mulung sünepja liasü.
Osang aika ajanga ashiba agi, Bodhbarnü LaBrea aser Santa Monica Boulevard nung tantsür ka timtema ayimtenba mapang Bieber aser par telok iba tesem ajanga süi.
Iba tantsür ayimtenba angashia parnok gari anen aser Bieber-i la lenmang tezüleni anir oa mesüzük.
Angashiba agi, Bieber-i la mesüzükba mapang ‘Yamajibo nung ni’ ta ashiba video nung tangoka lir, ta aceshowbiz.com ajanga metetdaktsü.
Iba tantsüla yagi police tem dang la sasa cycle laoa alang, ta ashi, ajisüaka tenük küli angurtemi, la dak SUV gari kati tsükoktsür ao, ta küli agütsü.
Bieber-i police jatsü ajisüaka ambulance maru tsüngda par telok iba tesem nungi oatok.
Ashiba agi, iba tantsüla jagi mozüa magitsü ta ashi.