Dimapur DC-i mobile biometric tenzüktsü

Hokolbarnep Kuda village, Dimapur nung Dimapur Deputy Commissioner, Kesonyu Yhome (IAS)-i Mobile Bio-metrics bus tenzükba angur.

Dimapur, January 29 (TYO) : Hokolbarnü Dimapur kübok Kuda viilage nung Dimapur Deputy Commissioner, Kesonyu Yhome (IAS)-i mobile Biometric bus tenzüktsü.
Nagaland nung Biometric magirtem züngsemtsü atema iba mobile bus ya tenzüker aser February 6, 2016 tashi Dimapur nung senzütsü.
Mobile bus nung biometric osettem ajak bena lir. Dimapur nung iba bus-i Jan 29 nü Kuda village, Jan 30 nü Burma camp, Feb 1 nü Purana Bazar, Feb 2 nü Thilixu, Feb 3 nü Diphupar village, Feb 4 nü Chumukedima village, Feb 5 nü Padampukhuri aser Feb 6 nü Chumukedima town sema senzütsü.
Iba mobile bus yagi Nagaland tesem balala semdanga senzütsü aser anogo telemsaji yamai alitsü – Mon (Feb 7), Mokokchung (Feb 14), Tuensang (Feb 21), Kiphire (Feb 28), Phek (March 3), Wokha (8 March) aser Zunheboto (11 March).
Linük nung mapatong tulutibaji NPR aser sensotem züluokba mapa ya lir. Taoba mapang biometrics nung mezüluoksemertem züluoktsü atema mobile biometrics ya tenzüker, ta tanü Dimapur DC
Iba mapatong takok ngua inyaktettsü atema nübortem aser media-i yariteptsü ayongzüker, ta Dimapur DC-isa metetdaktsü.
2011 tom ka nung Department-i biometrics bendentsü mapa tenzük aser tanü tashi nung jila/ward aser yimtsüng ajak nung biometrics camp anabenben liogo. Ano tang district headquarters aser sub-district headquarters ajak nung Permanent Enrolment Centres (PECs) lapoktsü atema mapa inyakdar, ta Nodal Officer, Census Directorate, Kh Athisii Chachie-ia metetdaktsü.
Iba mobile bus ya January 14, 2016 nü Commissioner Nagaland-i Kohima nungi mezüng tenzüktsü, ta Chachie-isa shisem.