Centre-i minorities atema Rs 128 crore agütsüogo : Heptulla

Guwahati, January 30 (Agencies) : Assam nung minorities asoshi terenlok mapa balala inyaktsü atema Centre-i taoba hopta Rs 128 crore lemzüktsüogo, ta Union Minority Affairs Minister Najma A Heptulla-i Honibarnü metetdaktsü.
“Taoba hopta onoki Assam nem Rs 128 crore lemzüktsü. Assam-ibo tesüiba indang utilisation certificates magütsü saka March 31 sülenbo mapang süiadoktsü aliba agi onoki iba teyari agütsü” ta Heptulla-i ashi.
Sen jagi Assam kübok tangar memenepertem yaritsü asoshi mapa inyaktsü, ta laisa metetdaktsü.
Honibarnü Heptulla-i North East nung minorities dak sendakba inyakba mapatongtem reprangshimtsü atema senden ka nung menden ser agi.
“Assam dak alaka, tanüngba NE state ka nungi danga iba senden nung minister arua madenba atema kanga sasar” ta lai ashi.