GIZ-i Nagaland sorkar nem Nagaland Water Policy agütsütsü

Dimapur, January 30 (TYO) : February 2, 2016 nü GIZ-i Nagaland sorkar nem Nagaland Water Policy agütsüba sentong agitsü ta Soil & Water Conservation Department-i sangdong ka nung metetdaktsü.
Iba sentongji anepdang 11:00 ako nungi de Oriental Grand, Kohima nung agitsü aser Nagaland Chief Secretary, Pankaj Kumar, IAS-i tongti tesemdanger ama shilem agitsü, ta sangdong nungsa shia lir.
Sentong nung GIZ ajanga Nagaland Water Policy yangluba aser CCA-NER Project indang power point presentation sayutsü. Iba dak sendakba nung Water Resource Committee Members, Department balala nungi Sub-Committee Members, line Department ajak aser densema alir/NGO ajak arua adentsü pelashishia jaoker, ta Soil & Water Conservation Department-isa sangdong nung metetdaktsü.