Kolkata nung Big B nüburtem dang atsüka senzü

Kolkata, January 30, 2016: Megastar Amitabh Bachchan ya tang Kolkata nung “TE3N” film tetangokdang lir aser pai ashiba agi anogo ka pa Kolkata nung aliba nüburtem dang atsüka liasü.
Big B-i, “Anogo tepiyong atsüka kazüba anogo ka liasü….Kolkata nüburtem nem memetetdaktsüi parnok rongnung ka ama lenmang nung senzü” ta Hokolbar aonung twitter ajanga lemsatep.
Iba ama asütsüji mapang talangka nungi bilemdanga sentong yanglua liasü ta ashidang, arishi küm 73 tain, Amitabh-i, “TE3N” film atema sentong kanga junga renemer aru aser Kolkata gari lenmangtem nungsa tangok, ta ashi.
Amitabh-i Kolkata nüburtem tenüng kanga sanga liasü.
“Kolkata nung aliba nüburtem ya tazüng tashir tesa aser yimya yimpong tajung keta lir….Parnok den densemba ajanga ning kanga pelaogo, ta Amitabh-i ashi.