Rara anenba sülen Refugee tem aotsüla: Merkel

Berlin, January 31 (Agencies): German Chancellor Angela Merkel-i, “Syria aser Iraq nung raraba ajanga jena aruba refugee tem ya Germany-i khen atema jenokdaktsürba dang aser kodang rara anendir parnok timba ka pei linüki aotsüla, ta ashi.
Merkel-i iba o ya Christian Democratic Union (CDU) Honibarnü senden ka amenba mapang ashi.
Lai, “2015 küm item linük tem nungi Germany nung arua jenoka aliba refugee tem yak khen asoshi jenokdaktsüba lir,” ta jangja jangja lepshia metetdaktsü.
Refugee tem anioktsü atema jembiba mapang Merkel kanga ani mesüngzükteti aküm. 2015 küm talidak makar nisung milliom 1.1 Germany nung anenzükdaktsütsü tebilemtsü adokba ajanga la kanga animesüngzüktet aküm.
“Syria nung yimjung aruli aser Iraq nung IS makdokba sülenbo nenok tangazükba tajung ngur pei linüki meyipa aotsü onok teimla lir,” ta Merkel-i ashi.
Lai, “1990s nung Yugoslavia nungi Germany nung arua jenoka aliba refugee tema pei linüki meyipa ogo” ta ashi.
Merkel-i tang refugee tem atema teyari agütsüba agi temulung masür aser iba dak sentakba nung lai Europe nung aliba linüktem dang tang dang nungi teyari tajungba agütsütsü merangtsü metetdaktsüogo.