Süngra tokdanga pongdok

~ S. Panger.

Laishiba O ajak Rangben lir. Ojang shiaji aisü nung mapang ajak asoshi nisung atema rateta amshi. Isak kinungtsü Rebekai jakrep jabaso ana aso. Aji, Isau aser Yakob liasü. Tanü putu nisung taküm asoshi lesson tajung rateta agizüker:
1 Lipok 25:25. Isauji meremmerema temang ajak ku agi meyipanger aso.
Lipok 25:26. Yakob tanobusang tekapu agi Isau shipalang nung ammeter aso.
Lipok 25:27. Isau mongin shikari ka akum.
Lipok 25:27. Yakob ajemalu nisung sü ki nung ali.
Lipok 25:28. Isaki (Father) Isau meim.
Lipok 25:29. Rebekai (Wife) or Mother, Yakob meim.
Lipok 25:38 Isaui aya marem chiyungtsü yong pa senmang ayok.
Lipok 25: 33. Yakobi tedi Isau dang, amso aser luli asoba yong senmang ali.
Lipok 27:31,34,38. Isaui tebu Isak dangi arua mesü shi renema agütsü aser senmang meshia ajep, ni moajang Oba!
Lipok 27:27-29. Rebeka (mother) tasa nung Yakobi san ka tepseta teküp agi tula yanglua, shi sor tebu nem chidaktsü aser senmang agizük (25:32) Yakobi Isau nem azungashia senmang agizük.
Lipok 27:40. Isaki par chir Isau dang ashi, nok agi na taküm alitsü, aser kodang na tokdanga chiokdir, nü tekong nungi pa süngra pongdoktsü.
Lipok 27:42-43. Rebekai par jabaso Yakob tedi Laban dangi Haran aremi yok.
Yangi ashir: kodang Langka tashi agi Isau dak talenba lisuji tokdangdir (süngra) idangji dang Isau freedom angutsü sayur.
Tsuraburi sayuba tashi manga pei molungba nung tai lemang nung jajar: shi, temang nung temolungjang teraksa (frustration) tepela maka, peisasa mazuoktetba, mesura yimya tamajung subaba, Isau ama chidiyongdi, tarutsü indang mebilemba agi, sungra, lisu agi tekong nung alenloka lir. Saka Yakob-bo tetsü dang tashi anga ajemaluba taküm liasü. Lai o telok nung jimbir kari, Yakob ashikulaka senmang rakzük ta jembir, aji masü: Malaki 1:2-3 yangi sayur Tsüngremi Yakob dang meim aser Isau sempa, Efisia 1:4 alima tamendakdak meyangludang Yisui Khristai nenok shimtet ta shia lir. Laishiba tesadang metetba agibo tabensa masü ta sayur. Isau tekong nungi sungra tokdangtsübaji mapang talangka agia inyaka, belemseta, okronga lir kelen khuret pongdok, yamaji peisasa bener aruba khuret (problem) ajak peisasa endoktsü, kecha ain mesura tangar dak imlaba agi makoktsü. Yisui ashi nenok tebelemer aser khu reta abener ajak kü dangi arung. Mt. 11:28. Sungra tokdanga pongdoktsü Yisui ajar.