NNC aser Naga nunger noktakdak

~ L. Repa Lkr, (Midan Peyu, Ao Region).

NNC ya yimden yimli maparen nung tenzüker telok ka dang masü (party), iba yimsüsüba sorkar-a (government) masü, ibai naga nunger asoshi tatembang sobaliba, ozüng aser nübor asoshi temeten ketdangsüba tentet lir (institution). Aji asünung Naga nunger sensoi NNC den külemi ketdangsütsü teinyaktsü lir.
1946, Feb 2 nung tanga sabang ajak madak Naga nunger ajak külemi sabang ka nung longjemtsü tentet. aji oda Naga nunger nüngdak asoshi NNC-i jembir. 1947 May ita nng India nunger constituent assembly nungi teshimtet nübor arua NNC den ajurutepa India den ka küma alitsü mepsihi, saka NNC-i magizük. Aji sür 1947 June ita India teshimtet puri küm 10 (ter) atema iba tezüngzüktepba yanglua agütsü. NNC-i kar melenshir agizük, saka India nungeri iba tezüngzüktepba NNC den yangluba raksa. British nungeri India nem nüchiso tashi ano magütsüdang Naga nungeri 1947, 14th August nung Naga nüchiso sangdong, India nunger dang nungi anogo ka agi tama Naga nüchiso aso.
A.Z Phizo 1950 NNC President kümli nungi NNC-i teinyaktsü inyaka Naga nunger shiai Naga nunger yimden tebilemtsü khuret rateta shia, Naga kin telok (tribe) ajak longjemba agi Naga kin (Naga nation) akümba rajemdaktsü. Iba sülen, tangateter tashir kari dang Naga nüchiso indang jembiba agi makoktsü, anungji Naga senso ajaki mulongba sayutsü atema temeyong anemba (plebiscite), May 16 1951 nung agi. India kübok masü saka Naga nüchiso nung alitsü ta 99.9 percent agi Federal Govt. of Nagaland ji India lima masü, temeden ajak agi Naga nungerji kin ka lir, anungji NNC ji Naga nunger tekümdanger aser Naga yimden asoshi ketdangsür kibur.
Naga nungeri Naga nunger noktakba mapa atema mangateti malitsüla.
Urr Uvie-asen lima asen meyong