NE power minister temi ‘transmission network’ ka aginür

Agartala, January 31 (Agencies) : North east nung inter-regional transmission network tashi taitba akümtsü atema Bangladesh adena Tripura aser West Bengal tsüngda transmission network ka yanglutsüla, ta Northeast state nungi Power Minister temi metetdaktsüogo.
Yashi Guwahati nung ayongzüka agiba Northeast Regional Power Committee (NERPC) senden nung Centre dang northeast atema transmission network ka yangluang ta ashitsü atema bangzünga renem, ta Tripura Power Minister Manik Dey-i osangbener dang ashi.
“Ibaji ajanga national grid den tesentaktep yangluba dang masü saka transmission line kilometer 500 shi kati tatsüba kümdaktsütsü” ta Dey-isa ashi.