Parikrama-i Guwahati nung ken aten

Guwahati, January 31 (Agencies): Delhi nung alir rock kentener telok ‘Parikrama’-i tang Assam nung tagitak, Rongali — Destination, Culture, Harmony benjungmung nung ken aika tenogo.
Anogo asemnü benjungmung nung Parikrama telok züngsemtem- Saurabh Choudhary, Srijan Mahajan, Nitin Malik, Gaurav Balani, Sonam Sherpa aser Subir Malik nungeri agiba shilemji tongtibang rongnung ka liasü.
Parnoki minute 40 shi kentenba ajanga ken meimertem kanga tzüratemdaktsüogo.
Parnoki “Am I dreaming”, “Whiskey blues” ken densema ken aika atenba den külemi parnok indang “But it rained” ken acoustic version nung aten.
Iba benjungmung ya socio-cultural trust of Assam Trend MMS den Hotel & Restaurants Association of Assam, Assam Tourism, department of cultural affairs, Assam sorkar aser Ministry of Youth Affairs-i sentepa ayongzük. Iba benjungmung Deobar aonung tembangogo.