Britain actor Frank Finlay arishi küm 89 nung süogo

January 31, 2016 : Oscar award atema tenüng benoka alisang actor, asür Frank Finlay nem par kinüngertemi, tanü Hombarnü pa arishi küm 89 nung asüba sülen pa nem tetushi aser akhümtsübu agütsüogo.

Kentener telok, Tigress nung drum atemer Josh Coombes, “Kübou masüdang pa otsü ashir nisung tajung ka liasü. Pai temenünütsü aketba aser nüknürar otsütemsa ashi. Iba den külemi pa asen linük asoshi actor tajungtiba rongnung ka liasü,” ta twitter ajanga lemsatep.

Pa akümlidang 1970s nung Oliver Reed, Richard Chamberlain aser Michael York nunger den külemi ‘Three Musketeer’ film nung Protos ama shilem agi. Ano television series ‘Bouquet Of Barbed Wire’ nung pai Susan Penhaligon den külemi tongti shilem agia liasü.

Iba den pai Casanova aser Shaft In Africa film tem nunga shilem agi. 1965 küm Othello film nung shilem agiba ajanga pa tenünga Oscar Award atema tenüng benoka liasü.

Pa kinüngtsü Doreen Shepherd den kibong kümer küm 50 lir külen la 2005 küm asü. Tena tanur asem agi sosema lir.