Poonam Dhillon-i ‘MSG The Warrior’ film nung shilem agitsü

Mumbai, February 1, 2016: Actress tejen Poonam Dhillon-i Gurmeet Ram Rahim Singh-i yangluba film “MSG The Warrior” film nung shilem agitsü, ta Dera Sacha Sauda telok nung tekolaksangi metetdaktsü.

Gurmeet Ram Rahim Singh-i, “‘MSG The Warrior’ ya US nung NRI director Sukhwant Singh-i yangluba film yimya nung yanglu aser paisa iba film indang script-a zülu,” ta sangdong ka ajanga ashi.

Singh ya tang pai yangluba film asembuba “MSG Online Gurukul” film tetangokdak lir.

Pai, “Film timba ka nung nüburtemi pei linük asoshi rara par chuba yimli ulushiba angur ajisüaka iba film nungbo chichiba rararji tetsürtem temeten asoshi rarasangji alitsü. Pai iba mapa tajung inyakba ajanga alima nung aliba nüburtemi pa kanga akhümtsür aser nüngtugu akümer,” ta film otsü dak keta aliba lemsatep.